Starfssemi

Fyrir foreldra síðan 1986

 

Foreldrasamtökin Vímulaus æska eru landssamtök, formlega stofnuð í Háskólabíói 20. september 1986. Samtökin eiga og reka Foreldrahús sem var stofnað 1999 og er nú til húsa að Suðurlandsbraut 50, bláu húsin í Skeifunni í Reykjavík. 

 

Starfsemi Foreldrahússins skiptist í fræðslu, forvarnir og ráðgjöf.  

Í Foreldrahúsi er í boði fyrir foreldra fjölskylduráðgjöf, foreldrahópar, sjálfstyrkingarnámskeið bæði fyrir foreldra sem og börn og unglinga. Einnig stuðningsmeðferð fyrir unglinga í fikti, neyslu og vímuefnavanda.  Foreldrahús sinnir einnig ráðgjöf vegna fjölbreyttari vanda bæði barna unglinga og fjölskyldunna í heild sinni. Má þar nefna einelti, félagslega erfiðleika, vanlíðan, kvíða og hegðunarvanda og einnig uppeldisráðgjöf og námskeið fyrir foreldra, sem vilja styrkja sig í uppeldishlutverkinu. 

Foreldrahús hefur staðið að fyrirlestrum víðsvegar um landið í samstarfi við foreldrafélög, skóla, félagasamtök og sveitarfélög.

Foreldrahús er opið alla virka daga frá 9.00 – 16.00 en aðra tíma sólarhringsins og um helgar er Foreldrasíminn 581-1799 opinn. 


Samtökin hafa frá upphafi verið öflug í útgáfu fræðslu- og fréttaefnis og hafa gefið út bæði tímarit og forvarnarbæklinga auk fræðsluefnis á geisladiskum og myndböndum.  Heimasíða samtakanna www.foreldrahus.is hefur verið starfrækt síðan 1997 auk þess sem Facebook síða er opin öllum.

Þjónusta

Opnunartímar 

Mánudag - Föstudag

09:00 - 16:00

Heimilisfang 

Suðurlandsbraut 50

Bláu húsin í Skeifunni 

Hægt er að bóka tíma í gegnum foreldrahus@foreldrahus.is  eða í síma 511-6160

Við erum á facebook

  • Facebook Social Icon

Skrifstofu sími

511 - 6160

NEYÐARNÚMER

5811-799