Foreldrahús

Fyrir fjölskyldur í vanda í meira en 30 ár

Vímulaus æska (VÆ) stofnaði Foreldrahús árið 1999 en kjarnastarfsemi þess skiptist í fræðslu, forvarnir og ráðgjöf.  

Þar er starfrækt fjölskylduráðgjöf, foreldrahópar og foreldranámskeið, sjálfstyrkingarnámskeið fyrir börn og unglinga og stuðningsmeðferð fyrir ungmenni í vímuefnavanda. Utan opnunartíma tekur Foreldrasíminn 581-1799 við þar sem fagaðili veitir foreldrum ráðgjöf og stuðning en Foreldrasíminn hefur verið opinn linnulaust frá stofnun VÆ árið 1986. 
Skrifstofan er opin kl. 9:00 – 16:00 alla virka daga og er hægt er að panta viðtal hjá ráðgjafa Foreldrahúss í síma  511 6160 eða senda fyrirspurn á netfangið radgjof@foreldrahus.is

Af hverju Foreldrahús?

 

  • Til þess að efla forvarnir með þátttöku og stuðningi allra foreldra í landinu

  • Til þess að vinna að viðhorfsbreytingu í samfélaginu gegn umburðarlyndi gagnvart unglingadrykkju og neyslu annarra vímuefna

  • Til þess að styðja og efla foreldra sem eiga börn í vanda

  • Til þess að tryggja hagsmunagæslu þegar unnið er að málefnum foreldra og barna

  • Til þess að miðla stuðningi milli foreldra í svipaðri aðstöðu

  • Til þess að bjóða upp á faglega fjölskylduráðgjöf og viðtöl gegn lágmarksgjaldi 

  • Til þess að beita sér opinberlega fyrir úrbótum í vímuefnamálum ungmenna   

Markmiðin okkar eru: 

  1. Að fræða foreldra um skaðsemi áfengis- og vímuefnaneyslu og fyrstu einkenni hennar, svo að þeir geti unnið markvisst forvarnarstarf með börnum sínum.

  2. Að vera hvetjandi og mótandi um forvarnarstarf í þjóðfélaginu og í skólum m.a. með þátttöku barna og unglinga.

  3. Að afla þekkingar hjá sérfræðingum og yfirvöldum til miðlunar meðal foreldra, m.a. með fyrirlestrum, fræðslu og málefnalegri umfjöllun í fjölmiðlum.

  4. Að stuðla að því að unglingar sem þegar hafa ánetjast vímuefnum, fái hjálp svo og foreldrar þeirra.

  5. Að stuðla að samveru unglinga og foreldra þeirra við heilbrigða tómstundaiðju m.a. með vímulausum samkomum.

Verndarengill Æskunnar 

Undanfarin ár hefur Foreldrahús boðið "Verndarengill æskunnar" til sölu, Hann er ekki hár í loftinu, aðeins  6 cm á hæð en þeim mun sveigjanlegri. Hægt er að hengja hann upp eða láta hana standa og t.d dansa á mælaborðinu í bílnum. Þessi fallega gjöf til styrktar samtakana fæst á skrifstofu okkar á Suðurlandsbraut 50 

Samstarf

Samstarfsaðilar Foreldrahús eru Alsgáð æska, Heimili og skóli, SAFT, Hafnarfjarðabær, VÁ – VEST, félagsþjónusta og barnavernd Reykjavíkurborgar, barnaverndarstofa, Námsflokkar Reykjavíkur, Ljósið endurhæfin, skólar, heilsugæslustöðvar og önnur sveitafélög.

Náum áttum

Samtökin hafa fulltrúa í nefnd  „Náum áttum“ (www.naumattum.is) sem er samstarfshópur um fræðslu- og forvarnir sem í sitja fulltrúar embættis landlæknisfélags fagfólks í frítímaþjónustu, FFF,  IOGT á ÍslandiHeimilis og skóla, ÞjóðkirkjunnarLögreglunnar á höfuðborgarsvæðinuBarnaheilla og Umboðsmanns barna. Hópurinn stendur að vinnufundum og átta opnum fræðslufundum á ári.

SAMAN hópurinn

Vímulaus æska er þátttakandi í „SAMAN“ hópnum (www.samanhopurinn.is) sem vinnur að auglýsingum um forvarnir ætlaðar foreldrum á merkum tímamótum; verslunarmannahelgi, jól og áramót, o.s.frv. 

Opnunartímar 

Mánudag - Föstudag

09:00 - 16:00

Heimilisfang 

Suðurlandsbraut 50

Bláu húsin í Skeifunni 

Hægt er að bóka tíma í gegnum foreldrahus@foreldrahus.is  eða í síma 511-6160

Við erum á facebook

  • Facebook Social Icon

Skrifstofu sími

511 - 6160

NEYÐARNÚMER

5811-799